रूपके ( जोगी, जोगवा, जोहार, बाळछद, गोंधळ, मल्हारीची वारी, बहिरा, मुका, दळण, जाते ) | Rupake ( jogi, jogava, johar, balachhand, gondhal, malharachi vari, bahira, muka, dalan, jate)

]] हरिः  ॐ [[

]] श्री विठ्ठल रुक्मिणी प्रसज्ञ [[

**॥ रूपके ॥**

( Rupake )

माझी माऊली अँप डाउनलोड करा 👉  Download

माझी माऊली whatsapp ग्रुप मध्ये सामील व्हा👉🏻 Join 

रूपके ( जोगी, जोगवा, जोहार, बाळछद, गोंधळ, मल्हारीची वारी, बहिरा, मुका, दळण, जाते ) | Rupake ( jogi, jogava, johar, balachhand, gondhal, malharachi vari, bahira, muka, dalan, jate)

संपूर्ण  वारकरी भजनी मालिका | Varkari Bhajani Malika in marathi 

।। भजनी मालिका ।।

॥ मालिका सातवी ॥ 

( Malika Satavi )

जोगी ( Jogi )

            ८९ . जग जोगी जग जोगी । जाग जाग बोलती ॥१ ॥ जागता जगदेव । राखा कांहीं भाव ॥२ ॥ अवघा क्षेत्रपाळ । पूजावा सकळ ॥३ ॥ पूजा पत्र कांहीं । फळ पुष्प तोय ॥४ ॥ बहुतां दिसा फेरा । आला या नगरा ॥५ ॥ नका घेऊ भार । धर्म तोचि सार ॥६ ॥ तुका मागे दान । द्यावे जी अनन्य ॥७ ॥ 

**॥  जोगवा ॥ **

( Jogava )

            ९० . अनादि निर्गुण प्रकटली भवानी । मोह महिषासूर मर्दनालागुनी । त्रिविध तापांची करावया झाडणी । भक्तालागी तूं पावसी निर्वाणी ॥१ ॥ आईचा जोगवा जोगवा मागेन । व्दैत सारूनी माळ मी घालीन । हाती बोधाचा झेंडा मी घेईन । भेदरहीत वारिसी जाईन ॥२ ॥ नवविध भक्तिच्या नवरात्रा । करूनि पोटी मागेन ज्ञानपुत्रा । धरीन सद्भाव अंतरीच्या मित्रा । दंभ सासऱ्या सांडिन कूपात्रा ॥३ ।। पूर्ण बोधाची घेईन परडी । आशा तृष्णेच्या पाडीन दरडी । मनोविकार करीन कुर्वडी । अद्भुतरसाची भरीन दुरडी ॥४ ॥ आतां साजणी जाले मी निःसंग । विकल्प नवऱ्याचा सोडियला संग । काम क्रोध हे झोडियले मांग । केला मोकळा मारग सुरंग ॥५ ॥ ऐसा जोगवा मागूनी ठेविला । जाऊनि महाव्दारी नवस फेडिला । एकपणे जनार्दन देखिला । जन्ममरणाचा फेरा चुकविला ॥६ ॥

॥ ** जोहार **॥ 

( Johar )

            ९१ . जोहार मायबाप जोहार । मी सकळ संतांचा महार । सांगतो दृढ विचार । तो ऐका की जी मायबाप ॥१ ॥ माझा विाचर नारदें ऐकीला । तो पुन्हा रूपा नाही आला । भीष्म ध्रुव प्रल्हाद आगळा । या विचारें बोधिलें की ॥२ ॥ उपमन्यू बिभीषण । सर्वा माजी अर्जुन । आणिकही ऋषी सांगेन । सावध ऐका की ॥३ ॥ पराशर विश्वामित्रदि जाण । या विचारें पावले समाधान । हरिशंद्र शिबी सुखसंपन्न । जाले की ॥४ ॥ ऐशा विचारें चालले । ते पुनरपि नाही आले । एकाजनार्दनीं भले । ऐक्यपण की जी मायबाप ॥५ ॥ 

॥ ** बाळछद **॥ 

( Bhalchhand )

            `९२ . अलक्षलक्षी मी लक्षी । तेथें दिसती दोन्ही पक्षी । वेदशास्त्रा हेचि साक्षी । चंद्रसूर्यासहित मागेन स्वानुभव अंगुलें । पांचां तत्वांचे सानुलें । व्यर्थ इंद्रिये भोगिले । नाहीं रंगले संतचरणी || १ || बाळ छंदो बाबा बाळ छंदो ॥धृ .॥ रामकृष्ण नित्य उदो । हृदयकळिके भाव भेदो । निवृत्तिसहित शरीर निंदो । नित्य उदो तुझाची ॥२ ॥ क्षीरसिंधुही दुहिला । चतुर्दशरत्नी भरला । नेघो तेथील साऊला । मज अबोला प्रपंचेसी । दान दे गा उदारश्रेष्ठा । परब्रह्म तूं ॥ वैकुंठा । मुक्ति मार्गीचा चोहटा । फुकटा नेघे तयार ॥३ ॥ पृथ्वीतळ राज्यमद । मी ने नेणे हेही पद ।। रामकृष्ण वाचे गोविंद । हाचि छंद तुझ्या पंथें । मंत्र तीर्थ यज्ञ याग । या न करी भागाभाग । तूंचि होऊनि सर्वांग । सर्व संग मज देई ॥४ ॥ वृत्तिसहित मज लपवीं । माझे मन चरणी ठेवी । निवृत्ति पदोपदी  गोवी । तूं गोसावी दीनोध्दरण । सात पांच तीन मेळा । पा नेघे तत्वांचा सोहळा । रज तमाच कंटाळा । हृदयीं जिव्हाळा हरि वसो ॥५ ॥ श्वेत पीत नेघे वस्त्र । ज्ञान विज्ञान नेघे शास्त्र । स्वर्ग मृत्यू पाताळ पात्र । नित्य वक्त्र हरि देई । चंद्र सूर्य महेंद्रपदें । ध्रुवादिकांची आनंदे । ते मी नेघे गा आल्हादें । तुझ्या ब्रीदें करीन घोष ॥६ ॥ करचरणेसि इंद्रियवृत्ति । तुझ्या ठायीं तूंचि होती । मी माझी उरो नेदी कीर्ति । हे दान श्रीपती मज द्यावे ॥७ ॥ शांति दया क्षमा ऋध्दी । हेही पाहतां मज उपाधी । तुझिया नामाची समाधि । कृपानिधी मज द्यावी ॥८ ॥ बापरखुमादेवीवरू तुष्टला । दान घे घे म्हणोनि वोळला । अजानवृक्ष पाल्हारूला । मग बोलिला विठ्ठल हरि ॥९ ॥ पुंडलिके केले रे कोडें । ते तुवां मागितले रे निवाडे । मी तुज हृदयीं सांपडे । हे त्वां केले ज्ञानदेवा।।१० ॥ ज्ञानदेव घेतले दान । हृदयीं धरोनियां ध्यान । समाधि बैसला निर्वाण । कथा कीर्तन करीतु ॥११ ॥ बाळछंदो बावीस जन्में । तोडिली भवाब्धीची कर्मे । चंद्रार्क तारांगणे । रश्मी दान घेतला हरी ।।१२ ।। 

॥ ** गोंधळ **॥  

( Gondhal )

            

            ९३ . अनादि अंबिका भगवती । बोध परडी घेउनी हाती । पोत ज्ञानाचा पाजळती । उदो उदो भक्त नाचती ॥१ ॥ गोंधळा येई वो जगदंबे मूळपीठ अंबे ॥धृ .।। व्यास वसिष्ठ शुक गोंधळी । नाचताति सोहंमेळी । व्दैतभाव विसरूनी बळी । खेळती अंबे तुझे गोंधळी ॥२ ॥ मुकुटमणी पुंडलिक । तेहतीस कोटी देव नायक । गोंधळ घालिती सकौतुक । एका जनार्दनी नाचे देख ॥३ ॥

 ॥ ** मल्हारीची वारी **॥ 

( Malharachi Vari )

             

            ९४ . अहं वाघा सोहंवाघा प्रेमनगरा वारी । सावध होऊनि भजनी लागा देव करा कैवारी ॥१ ॥ मल्हारीची वारी । माझ्या मल्हारीची वारी || शा इच्छा मुरळीस पाहू नका पडाल नर्कव्दारी । बोधबुधली ज्ञानदिवटी उजळा महाव्दारी ॥३ ॥ आत्मनिवेदन भरित रोडगा निवतिल हारोहारी । एका जनार्दनी धन्य खंडेराव त्यावरी कुंचा वारी ॥४ ॥ 

॥ ** बहिरा **॥ 

( Bahira )

            ९५ . बहिरा झालों या जगीं ॥धृ .॥ नाहीं ऐकिले हरिकीर्तन । नाहीं केले पुराणश्रवण । नाहीं वेदशास्त्रपठण । गर्मी बहिरा झालो त्यागून ॥१ ॥ नाहीं संतकीर्ति श्रवणी आली । नाहीं साधुसेवा घडियेली । । पितृवचनासी पाठ दिधली । तीर्थे व्रतें असोनि त्यागिली ॥२ ॥ माता माउली पाचारिता । शब्द नाहीं दिला मागुता । बहिरा झालो नरदेही येता । एका जनार्दनी स्मरेन आतां ॥३ ॥ 

॥ ** मुका **॥ ( Muka )

            ९६ . मुका झालो वाचा गेली ॥धृ .॥ होतो पंडित त महाज्ञानी । दशग्रंथ षड्शास्त्र पुराणी । चारी वेद मुखोद्गत वाणी । गर्वामध्ये झाली सर्व हानी॥शाजिव्हा लांचावली भोजना । दुग्ध घृत शर्करा पक्वान्ना । निंदिले उपान्ना । तेणे पातलो ग मुखबंधना ॥२ ॥ साधुसंतांची निंदा केली । हरिभक्तांची स्तुति नाही केली । तेणे वाचा पंगू झाली । एका जनार्दनी कृपा लाधली।॥३ ॥ 

॥ ** दळण **॥ ( Dalan )

             ९७ . येई हो कान्हाई मी दळीन एकली । एकली दळितां शिणले हात लावी वहिली ॥धृ .॥ वैराग्य जाते मांडूनि विवेक खुंटा थापटोनी । अनुहात दळण मांडूनि त्रिगुण वैरणी घातलें ॥१॥ स्थूळ सुक्ष्म दळियेले देहकारणासहित । महाकारण दळियेलें औट मात्रेसहित।।शदिशा दोनी दळिल्या द्वैत अद्वैतासहित । दाही व्यापक दळियेलें अहं सोहं सहित ॥३ ॥ एकवीस स्वर्ग दळियेलें चवदा भुवनासहित । सप्त पाताळे दळियली सप्त सागरांसहित।॥४ ॥ बारा सोळा दळियल्या सत्रावीसहित । चंद्र सूर्य दळियलें तारांगणासहित ॥५ ॥ नक्षत्र वैरण घालुनि नवग्रहांसहित । तेहतीस कोटी देव दळियेलें ब्रह्माविष्णु - सहित ॥६ ॥ ज्ञानअज्ञान दळियेलें विज्ञानासहित । मीतूंपण दळियेलें जन्ममरणासहित ॥७ ॥ ऐसे दळण दळियेलें दोनी तळ्यासहित । एका जनार्दनी कांहीं नाहीं उरले व्दैत।॥८ ॥ 

॥ ** जाते **॥ ( Jate )

             ९८ . सुंदर माझे जाते गे फिरे बहुतेके । ओव्या गाऊं कौतुकें तूं ये रे बा विठ्ठला ॥१ ॥ जीव शिव दोनी खुंटे गे प्रपंचाचे नेटे गे । लावूनि पांची बोटेंगे तूं येरे बा विठ्ठला ॥२ ॥ सासु आणि सासरा दीर तो तिसरा । ओव्या गाऊं भतारा तूं येरे बा विठ्ठला ॥३ ॥ बारा सोळा गडणी अवघ्या कामिनी । ओव्या गाऊं बसूनि तूं येरे बा विठ्ठला ॥४ ॥ प्रपंच दळण दळिलें पीठ भरिलें । सासुपुढे ठेविले तूं येरे बा विठ्ठला।।५ ।। सत्वाचे आधण ठेविले पुण्य वैरिलें । पाप ते उतूं गेले तूं येरे बा विठ्ठला ॥६ ॥ जनी जाते गाईल कीर्त राहिला थोडासा लाभ होईल तूं येरे बा विठ्ठला ॥७ ॥ 

Majhimajhi-blogger

FAIR-USE COPYRIGHT DISCLAIMER

Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, commenting, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favour of fair use.