देवा देवीची निरोप आरती | Deva Devichi Nirop Aarti | majhi mauli

  देवा देवीची निरोप आरती  | Deva Devichi Nirop Aarti | mauli majhi

जाहले भजन आम्ही नमितो तव चरण ।

वारुनिया विघ्ने देवा रक्षावे दीना ॥धृ॥

दास तुझे आम्ही देवा तुजलाची ध्यातो

प्रेमे करुनिया देवा गुण तुझेची गातो ॥१॥

जाहले भजन आम्ही नमितो तव चरण ............।

तरी द्यावी सिद्धी देवा हेची वासना, देवा हेची वासना

रक्षुनियां सर्वां द्यावी आम्हासी आज्ञा ॥२॥

जाहले भजन आम्ही नमितो तव चरण ............।

मागणे ते देवा एकची आहे आता एकची आहे

तारुनियां सकळां आम्हां कृपादृष्टी पाहे ॥३॥

जाहले भजन आम्ही नमितो तव चरण ............।

जेव्हां सर्व आम्ही मिळूं ऐशा या ठाया ऐशा या ठाया

प्रेमानंदे लागू तुझी कीर्ति गावया ॥४॥

जाहले भजन आम्ही नमितो तव चरण ............।

सदा ऐशी भक्ति राहो आमुच्या मनी देवा आमुच्या मनी

हेची देवा तुम्हा असे नित्य विनवणी ॥५॥

जाहले भजन आम्ही नमितो तव चरण ............।

वारुनिया संकटॆ आता आमुची सारी आता आमुची सारी

कृपेची सा‌ऊली देवा दीनावरि करी ॥६॥

जाहले भजन आम्ही नमितो तव चरण ............।

निरंतर आमुची चिंता तुम्हां असावी चिंता तुम्हा असावी

आम्हां सर्वांची लज्जा देवा तुम्ही रक्षावी ॥७॥

जाहले भजन आम्ही नमितो तव चरण ............।

निरोप घेता आता आम्हा आज्ञा असावी देवा आज्ञा असावी

चुकले आमचे काही त्याची क्षमा असावी ॥८॥

जाहले भजन आम्ही नमितो तव चरण ............।